Kaliforniyada dəhşətli meşə yanğınında ölənlərin sayı artmaqda davam edir.
Pressnews.az-ın məlumatına görə, 100 min hektardan çox ərazi yanğından zərər görüb. 17 ayrı bölgədə başlayan yanğın nəticəsində 1600-dən çox şərab emalatxanası, ev və tətil kəndi yanıb. Yanğın nəticəsində ölənlərin sayı 15-ə çatıb, 100-dən çox adam xəstəxanaya yerləşdirilib. Məlumata görə, yanğın nəticəsində 150 adam itkin düşüb. 25 min adam yanğın səbəbilə ərazidən təxliyə edilib, 5000 adam sığınacaqlara yerləşdirilib.
Yanğını söndürmək üçün qonşu Nevada başda olmaqla bir çox bölgələrdən xilasetmə qrupları köməyə gəlib. Yanğın küləyin təsiri ilə daha da artır.
Qeyd edək ki, bu il ABŞ-da meşə yanğınları ölkəyə 2 milyard dollar zərər verib ki, bu da indiyə qədər olan ən yüksək göstəricidir.
